Müasir dövrdə müəllim hazırlığı sahəsində yüküsək ixtisaslı kadr hazırlanması xüsusi əhəmiyyət kəsb edir. Təcrübə göstərir ki, təlim prosesində qarşıya qoyulan yeniliklərin yaradılması və həyata keçirilməsində kafedra əhəmiyyətli yer tutur. Yüksək ixtisaslı kimya, kimya biologiya, biologiya , biologiya coğrafiya ixtisaslı müəllim kadrlarının hazırlanmasında effektli rol oynayır. Təhsil sahəsində dövlət strategiyasının tələblərinə uyğun olaraq kafedra öz işini təkmilləşdirmişdir. Kafedra öz işində yüksək ixtisaslı hərtərəfli bacarığa malik şəxsiyyət yönümlü kadrların hazırlanmasına xüsusi fikir verir. Təhsilin bütün mərhələlərində , o cümlədən ümumi təhsildə şəxsiyyətin maraq və ehtiyaclarını ödəyə bilən təhsil sisteminin, eləcə də kafedranın qarşısında böyük vəzifələr qoyur. Bu ilk növbədə təlimin məzmununu və ona uyğun yeni metod, forma və vasitələrdən ibarət sistemin yaradılmasını tələb edir. Kafedra 1930 – cu ildə təşkil olunmuşdur. Kafedradan 1966–cı ildə “Üzvi kimya və kimya texnologiyası” 1969–cu ildə isə “Analitik və fiziki kimya” kafedraları müstəqil kafedra kimi yaradılmışdır. Ümumi kimya və KTM kafedrasına ilk kafedra müdiri prof. A.Ə.Verdizadə (1960–1964), 1964–1969–cu ildə prof. Ə.Əbdürəhimov, 1970–1983–cü ildə prof. R.Y.Əliyev, 1984–1989–cu ildə dos. Ə.Xəlilov 1989–2000-ci ilə qədər prof. İ.Ö.Nəsibov rəhbərlik etmişdir. 2000–ci ildən 2017–ci ilə qədər prof. Ə.N.Qurbanov rəhbərlik etmişdir. Hal–hazırda yəni 2017–ci il oktyabr ayından kafedraya k.f.d.,dos. R.M.Ağayeva rəhbərlik edir. 

ADPU–nun Ümumi kimya və KTT kafedrasının müdiri k.f.d. dos. Reyhan Mirhüseyn qızı Ağayevadır 

Ümumiyyətlə, müasir təhsil konsepsiyasında irəli sürülən vəzifələri həyata keçirmək sahəsində görülən işləri aşağıdakı kimi göstərmək olar:

• Müasir təlim texnologiyasından irəli gələn vəzifələrin həyata keçirilməsi;
• Tədris prosesində innovasiyaya nail olmaq;
• İnteraktiv (fəal) təlim əsasında tədris prosesinin qurulması;
• Tədris prosesinin elmi–tədqiqat işi ilə əlaqəli şəkildə aparmaq