18 may-Beynəlxalq Muzeylər Günü ilə əlaqədar Kimya və biologiya fakültəsinin Biologiya və onun tədrisi texnologiyası kafedrasının müəllimi Sevinc Mehdiyeva və 159 nömrəli tam orta məktəbin biologiya müəllimi Sevil Həsənovanın birgə təşkilatçılığı ilə 1902-ci qrup tələbələri və 7-ci sinif şagirdləri Həsən bəy Zərdabi adına Təbiət tarixi Muzeyinə ekskursiya ediblər.
Muzeyin Zoologiya şöbəsində müasir və geoloji keçmişdə yaşamış onurğasız və onurğalı heyvanların skeletləri, müqəvvaları, xüsusi məhlullarda saxlanılan cəsədləri, Azərbaycan florasını əks etdirən tablolar haqqında məlumatlar tələbə və şagirdlər tərəfindən maraqla qarşılanıb. Maraq doğuran eksponatlar arasında kərgədan skeleti, ibtidai öküzün skeleti “Qırmızı kitab”a daxil olan heyvanların - ceyran, bəbir, muflonun müqəvvaları, skeletləri də var. Tələbə və şagirdlər muzey ilə tanışlıqdan zəngin təəssüratlarla ayrıldı.08:28