24.10.2024- cü il tarixində Bakı İstanbul Türk liseyinin şagirdləri ADPU Kimya və biologiya fakültəsində ekskursiyada olub. Liseyin müdir  müavini Nigar Səfərli və fənn müəllimi Esfir Bayramlının rəhbərliyi ilə gələn şagirdləri Məzun Koordinasiya və Kariyera şöbəsinin müdiri Könül Əsgərova və Ümumi Kimyanın Tədrisi və Texnologiyası  kafedrasının müəllimi Vəfa Musalı qarşılamışdırlar. Qonaqlar Heydər Əliyev muzeyi və elektron kitabxana ilə tanış olduqdan sonra Kimya və biologiya fakültəsinin dekanı dos. Reyhan Ağayeva və dekan müavini dos. Bəsti Əsədova qonaqları qəbul edib, fakültənin fəaliyyəti ilə tanış etmiş, onlarla maraqlı müzakirələr apararaq tullantılardan hazırlanmış kompozisiyaları nümayiş etdirmişlər. Ümumi Kimya və kimyanın tədrisi metodikası kafedrasının müdiri dos. Kəmalə Iskəndərova qonaqları salamlamış,kafedrayla tanış etmiş və xatirə şəkilləri çəkilmişdir.Daha sonra isə şagirdləri Kimya və biologiya  fakültəsinin müəllimi Musalı Vəfanın müşayiəti ilə maraqli reaksiyalar aparmış, şagirdlərdə laboratoriya dərslərinə maraq oyatmışlar.