2024-cü ildə ADPU Kimya və biologiya fakültəsi ilə Y. Məmmədəliyev adına Neft-Kimya Prosesləri İnstitutu arasında imzalanmış əməkdaşlıq memorandumunun fəaliyyət planına əsasən fakültəmizin tələbələri Y.Məmmədəliyev adına Neft-Kimya Prosesləri İntitutunda təcrübə dərslərinə başlamışlar. Təcrübə dərslərinə başlayan tələbələr İnstitutun baş direktoru akademik Vaqif Abbasovla görüşmüş, institutun tarixi, fəaliyyəti ilə bağlı məlumatlar əldə etmiş, institutun nəzdində fəaliyyət göstərən laboratoriyalarda gedən işlərlə yaxından tanış olmuşlar. Y.Məmmədəliyev adına Neft-Kimya Prosesləri İnstitutunda keçilən təcrübə dərsləri may ayının sonuna kimi davam edəcək.