22- 23 aprel 2023- cü il tarixində İTE təşkilatı və ADPU- nin Quba filialının təşkilatçılığı ilə Aygün Cəfərova, Könül Qafarova, Aynurə Orucovanın Azərbaycan müəllimlərinin 1- ci Şəbəkələşmə forumu layihəsi həyata keçirilmişdir. Foruma ev sahibliyini  ADPU Quba filialı etmiş, qonaqlar filialın direktoru dos. Yusif Alıyev tərəfindən yüksək səviyyədə qarşılanmışdır. Forum öz orijinallığı ilə seçilirdi. Belə ki, foruma qatılanlar respublikamızın müxtəlif regionlarından olan müəllimlər, məktəb direktorları, müəavinlər, müxtəlif universitetlərin professor- müəllim heyətindən ibarət idi. Həmçinin forumda ADPU Kimya və biologiya fakültəsinin Ümumi kimya və KTT kafedrasının əməkdaşları k.ü.f.d. Afət Hacıyeva, k.ü.f.d. Aynurə Tomuyeva, b/m Rumiyyə Camalova, m. Vəfa Musalı, BTM kafedrasının əməkdaşı b.ü.f.d. Şəbnəm Əsədova iştirak etmişdir. Forumda əməkdaşlarımız öz akademik, sosial, emosional, yaradıcı çıxışları ilə xüsusi səriştələr nümayiş etdirmişlər. Layihə rəhbərlərinə, təşkilatçılara uğurlar arzu edirik.