Öz savadlı professor-müəllim heyəti, maddi texniki bazası və yaratdığı imkanlarla fakültəmiz şagirdlərə, tələbələrə, eyni zamanda ölkəmizin müəllimlərinə faydalı ola bilir. 12.12.2023-cü il tarixində 24 nömrəli tam orta məktəbin Kimya müəllimi Rəna İbrahimova Kimya və biologiya fakültəsi "Ümumi kimya və kimyanın tədrisi texnologiyası" kafedrasında öz şagirdləri ilə qonaq oldu. Kafedranın baş müəllimi Rumiyyə Camalova və k.ü.f.d. Aynurə Tomuyevanın iştirakı ilə şagirdlərin marağına və təlim tələblərinə uyğun olaraq təcrübələr aparıldı. Şagirdlər fakültənin fəaliyyəti və kimya laboratoriyaları ilə yanaşı fakültənin Yusif Məmmədəliyev adına auditoriyası, Zoologiya muzeyi, universitetin ənənəvi və müasir kitabxanası ilə tanış oldular.