14.02.2025-ci il tarixində Kimya və biologiya fakültəsində dekan dos. Reyhan Ağayeva, dekan müavini dos. Kərim Quliyev, dekan müavini dos. Bəsti Əsədova, Analitik və üzvi kimya kafedrasının müdiri prof. Əli Zalov, Biologiya və onun tədrisi texnologiyası kafedrasının müdiri dos.Anaxanım Yusifova, Ümumi kimya və kimyanın tədrisi texnologiyası kafedrasının müdiri dos. Kəmalə İskəndərova, fakültə elmi katibi b.ü.f.d. Şəhla Abdullayeva və fakültənin professor-müəllim heyətinin iştirakı ilə fakültə Elmi Şurası baş tutmuşdur.

Kimya və biologiya fakültəsinin dekanı dos. Reyhan Ağayeva Elmi Şuranı açıq elan etmiş, 2024-2025-ci tədris ili payız semestri imtahanlarının nəticələri haqqında məlumat vermiş, yaz semestrinə hazırlıq, pedaqoji təcrübənin keçirilməsi qaydalarında edilən dəyişiklikləri Şura iştirakçılarının nəzərinə çatdırmışdır. Dekan müavini dos. Kərim Quliyev tələbələrə təqaüdlərin verilməsi haqqında məlumat vermişdir. Dekan müavini dos. Bəsti Əsədova açıq dərslərin və fakültədə keçiriləcək elmi seminarların təşkili barədə, professor-müəllim heyətinin reytinq qiymətləndirilməsinin fakültə üzrə yekunlaşdırılması barədə məlumat vermişdir.

Kafedra müdirləri prof.Əli Zalov, dos. Anaxanım Yusifova, dos. Kəmalə İskəndərova 2024-2025-ci tədris ili yaz semestrinə hazırlığın vəziyyəti barədə məruzələrini etmiş, yerinə yetiriləcək kurs işi mövzularının təsdiqi barədə məlumat vermişlər. Daha sonra fakültə elmi katibi b.ü.f.d. Şəhla Abdullayeva Elmi Şuranın gündəliyində olan cari məsələləri elan etmişdir.