17.03.2025-ci il tarixində Azərbaycan Dövlət Pedaqoji Universiteti Kimya və biologiya fakültəsi ilə ARETN Molekulyar Biologiya və Biotexnologiyalar İnstitutu arasında əməkdaşlıq memorandumu imzalanmışdır. ARETN Molekulyar Biologiya və Biotexnologiyalar İnstitutunda baş tutan görüşdə ADPU-nun rektoru, professor Cəfər Cəfərov, ARETN Molekulyar biologiya və Biotexnologiyalar İnstitutun baş direktoru, akademik İradə Hüseynova əməkdaşlıq memorandumunu imzalamışlar. Tədbirdə İnstitutun icraçı direktoru, b.ü.f.d, dosent Ələmdar Məmmədov, elmi katib, b.ü.f.d., dosent Durna Əliyeva, ADPU Kimya və biologiya fakültəsinin dekanı, k.ü.f.d.,dosent Reyhan Ağayeva, dekan müavini b.ü.f.d.,dosent Bəsti Əsədova, Biologiya və onun tədrisi texnologiyası kafedrasının müdiri, b.e.d., dosent Anaxanım Yusifova, iştirak etmişlər. Sənədə əsasən tərəflər arasında müvafiq istiqamətlər üzrə münasibətlərin qurulması, tədrisin təkmilləşdirilməsi və inkişaf etdirilməsi və kadr hazırlığı sahəsində birgə əməkdaşlıq, elmi-tədqiqat üzrə birgə fəaliyyətin həyata keçirilməsi nəzərdə tutulur.