19.04.2023 tarixində Azərbaycan Dövlət Pedaqoji Universiteti Kimya biologiya fakultəsinin dosenti Səfərova Elnurə müəllimənin rəhbərliyi ilə Biologiya müəllimliyi ixtisasının təcrübəçi tələbələri ilə birgə 115 nömrəli məktəbdə Heydər Əliyevin 100 illiyinə həsr olunmuş "Biologiyanı sevək,sevdirək"adlı tədbir keçirilmişdir.Tədbirin açılışı ümumilli Heydər Əliyevin biologiyada rolu haqda məruzə ilə başladı.Tədbirdə biologiyanın aktual mövzularından olan "Orqan donorluğu", "Temperament" , "Autizm" və "Ekologiya" mövzularına toxunulmuş,səhnəciklər nümayiş etdirilmişdir."Orqan donorluğu" və "Autizm" haqqında ətraflı məlumat təcrübəçi müəllimə Əmiraslanova Balaxanım ,"Ekologiya" haqqında ətraflı məlumat təcrübəçi müəllimə Nəsirova Ülviyyə tərəfindən verildi.Şagirdlər isə səhnəciklərdə iştirak etdilər.Səhnəciklərarası fasilələrdə film fraqmenti,rəqs,pionoda ifalar olmuşdur.Tədbirdə Azərbaycan Dövlət Pedaqoji Universitetinin Kimya və Biologiya fakültəsinin Biologiya və onun tədrisi texnologiyası kafedrasının müdiri dos.Yusifova Anaxanım,həmin kafedranın dosenti Gülşən Hacıyeva,115 N°-li məktəbin direktoru r.ü.f.d Əsədova Natəvan iştirak etdilər.