Fakültənin dekan müavini dos.Bəsti Əsədova tələbələri təbrik etmiş, Azərbaycan Dövlət Pedaqoji Universitetinin pedaqoji hazırlığın mərkəzi hesab olunduğunu, fakültənin bir sıra nizam-intizam qaydalarını görüş iştirakçılarının nəzərinə çatdırmışdır. Kimya və biologiya fakültəsinin dekan müavini, “ADPU ENACTUS” komandalarının fakültə üzrə məsləhətçisi dos. Bəsti Əsədova yeni tələbələri “ADPU ENACTUS” proqramı barədə məlumatlandırmış, ENACTUS-un liderlik və karyera təşəbbüsləri öyrənmək, əməkdaş şirkətləri ilə tələbə və məzunların mübadiləsi üçün yaratdığı imkanlardan söz açmışdır.

Daha sonra universitetdə fəaliyyət göstərən MEH Ədəbi Dərnəyi, YUNESKO klubu, Tələbə Gənclər Təşkilatı, Tələbə Həmkarlar İttifaqı Komitəsi, Təhsil Könüllüləri Tələbə Birliyi, Yeni Klub tələbə təşkilatları fəaliyyətlərinin istiqamətlərindən yeni tələbələrə bəhs etmişlər, onları təşkilatların üzvü olmağa dəvət etmişlər.